「守網聯盟」校際錦標賽 2026
日期: 14/03/2026
網絡安全一直都係學生必學嘅課題，但要同學真係投入去了解，坦白講唔容易。好彩「遊戲學習」就係一個超有效嘅方法——一邊玩、一邊不知不覺間已經學識點樣保護自己！
早前香港警務處網罪科推出嘅 「守網聯盟遊戲卡」，將真實案件同常見騙案手法變成遊戲卡內容，等同學透過部署、攻防同策略組合，學識分辨網絡陷阱同提升防騙意識。
而為咗令更多同學可以更深入認識網絡安全，AiTLE 特別同 CSTCB 合辦 「守網聯盟」校際錦標賽 2026 ，
好消息！我哋基小啱啱喺比賽入面獲得 **「積極參與學校獎」**真心要為一班同學嘅投入同努力點個讚！我哋會繼續推動網絡安全教育，等孩子由小建立正確數碼素養，識得保護自己、精明上網！
